عمر الشعر ماضيق صدور الوراق ***الضيق ضيقي لاكتبته وقريته

اكذب عليك ان قلت ماني بمشتاااق

واكذب عليك ان قلت حبك نسيته

خل الكلام اللي طعن صمت الاوراق

يحكي لك اللي ما نطقت وحكيته

ناظر عيوني شوف تاثير الاشواااق

شوف الفرح وشلون بغيابك جفيته

كتفي يشيل من الزمن فوق ما طاق

والضيق يرضابي وانا مارضيته

الى متى وانا انتظر لحظه اشراق

الى متى والحزن هالقلب بيته

الى متى والهم ينحت بالاعماق

واسقيه من غيابك دمع بكيته

ياصاحبي شف خاطري ما بعد راق

بنفس الطريق اللي انتهى وابتديته

"ضاق المكااان" وكل شي بعدك ضاق

حتى القصيد اللي بصدري احتويته..!

عمر الشعر ما ضيق صدور الاوراق

الضيق ضيقي لاكتبت وقريته

تعبت اجمع ما بقالي من اشوااق

واقول ليت الوقت يفهم ياليته..!

ياقووو قلبك وانت محرقني احراق

"ارفق" بحال اللي ذكرك ونسيته

تدري عزاي ان حدك القلب تشتاق

دور علي بكل درب مشيته

ومدام ربي في يده قسم الارزاق

انا اقتنعت بما كتبه ورضيته ..


****
فتى الجمش

فتى الجمش قصيده رائعه المعاني منبعها شاعر ويستحق كلمة شاعر ولست بصدد النقد بالتوفيق

فتى الجمش تسلم على الابيات الرائعه

والمعاني الجزله

تحياتي لك وتقبل مروري

تسلم يداااااااااك ,,
مشكورررر

تسلم فتى الجمش قصيده تجبرك على الرد . أشكر لك كل ما تقدمه من روائع تقبل تحياتي لك اخوك أبو بدر

اخواني

مشكورين على المرور العطر الي اعطى الموضوع طابع من الجمال

والي يحفز اي عضو على انه يزيد من بداعاته

شاااااااكرر ومقدر مرور كل عضو منكم

ولا هنتو


تحياتي لكم جميع

فتى الجمش

فتى الجمش


يعطيك العاااااااااافيه


من جد انقاء مميز

فتى الجمش صح لسانك

وتقبل مرووووري